БІЛІМ БЕРУДІҢ ЦИФРЛЫҚ ТРАНСФОРМАЦИЯСЫ ЖАҒДАЙЫНДА ОҚЫТУШЫЛАРДЫҢ БІЛІКТІЛІГІН АРТТЫРУ ЖҮЙЕСІНДЕ STEM-ӘДІСТЕРДІ ОНТОЛОГИЯЛЫҚ МОДЕЛЬДЕУ ЖӘНЕ АҚПАРАТТЫҚ ТЕХНОЛОГИЯЛАР НЕГІЗІНДЕ ИНТЕГРАЦИЯЛАУ

Аңдатпа

Мақала білім берудің цифрлық трансформациясы жағдайында оқытушылардың біліктілігін арттыру жүйесіне STEM-әдістерді интеграциялау мәселелерін зерттеуге арналған. Жұмыстың өзектілігі мұғалімдердің заманауи білім беру ортасы мен цифрлық экономиканың талаптарына сәйкес келетін кәсіби құзыреттіліктерін қалыптастыру қажеттілігіне байланысты. Зерттеудің мақсаты оқытушылардың цифрлық, сыни, зерттеу және жобалау-инженерлік құзыреттерін тиімді дамытуды қамтамасыз ететін негізгі STEM-әдістерді талдау және іріктеу болып табылады. Зерттеу әдістері ретінде ғылыми дереккөздерді талдау, педагогикалық тәжірибелерді жүйелеу, STEM әдістерінің, құзыреттерінің, индикаторлары мен бақылау формаларының сәйкестік матрицасын модельдеу және әзірлеу қолданылды. Нәтижесінде STEM-әдістер кешені қалыптастырылды және оқыту нәтижелерінің өлшемділігі мен қайталануын қамтамасыз ететін оқытушылардың біліктілігін арттыру процесіне оларды интеграциялау моделі әзірленді. Зерттеудің ғылыми жаңалығы құзыреттілік және онтологиялық тәсілдер негізінде STEM әдістерін жүйелеуде жатыр. Жұмыстың практикалық маңыздылығы педагогикалық кадрлардың біліктілігін арттыру бағдарламаларын әзірлеу кезінде алынған нәтижелерді қолдану мүмкіндігінен тұрады.