Авторлық нұсқаулық

Бұл бөлім («Авторларға») Авторларға арналған нұсқаулықты, материалдарды ұсыну жөніндегі нұсқауларды және жариялау қағидаларын қамтиды.

1. Жариялау тілдері

• Жариялауға қазақ, орыс және ағылшын тілдерінде мақалалар қабылданады.

2. Жалпы талаптар

Қарауға тек түпнұсқа қолжазбалар қабылданады, олар:

• бұрын басқа басылымдарда жарияланбаған;
• басқа журналдарда қаралу үстінде емес;
• мәтіннің бірегейлігі талаптарына сәйкес келеді: бірегейлік деңгейі кемінде 65%, ал мәтіндік сәйкестіктердің рұқсат етілген деңгейі 25%-дан, AI-контент 20%-дан аспауы тиіс.

3. Материал түрлері

Журнал келесі материалдарды қабылдайды:

• түпнұсқа ғылыми мақалалар;
• шолу мақалалары.

4. Мақаланың құрылымы

Қолжазбаны халықаралық IMRAD құрылымы бойынша рәсімдеу ұсынылады. Мақаланың негізгі бөлімдері:

• Кіріспе;
• Әдебиетке шолу;
• Зерттеу материалдары мен әдістері;
• Нәтижелер және оларды талқылау;
• Қорытынды;
• Пайдаланылған әдебиеттер тізімі.

5. Титулдық бет

Титулдық беті үш тілде жеке парақтарда рәсімделеді және келесі бөлімдерді қамтуы тиіс:

• Тақырыптық бағыт;
• ҒТАХР және JEL кодтары;
• Авторлардың аты-жөні және олардың аффилиациясы. Әрбір автордың ORCID идентификаторы белсенді белгіше (жасыл ORCID иконкасы) түрінде жеке ORCID профиліне енгізілген сілтемемен көрсетіледі. Хат-хабаршы автор (*) белгісімен белгіленеді;
• Қолжазба атауы;
• Аңдатпа: 150–200 сөз;
• Түйін сөздер: 5–8 сөз немесе сөз тіркесі;
• Мүдделер қақтығысы;
• Қаржыландыру және алғыс;
• Жасанды интеллект технологияларын пайдалану туралы хабарлама;
• Дәйексөз жасауға арналған ұсыныс;
• Ескертпе түрінде хат-хабаршы автор туралы мәліметтер көрсетіледі: аты-жөні, e-mail.

Қаріп — Calibri (негізгі мәтін), абзац шегінісінсіз. Авторлардың аты-жөні 12 кегльмен, қалың қаріппен, сол жақ шеті бойынша тураланып рәсімделеді. Қолжазба атауы 16 кегльмен, қалың қаріппен, сол жақ шеті бойынша тураланып рәсімделеді. Қалған бөлімдер 10 кегльмен рәсімделеді.

6. Қолжазба көлемі және рәсімделуі

• Мақаланың көлемі: 4 000 сөзден кем емес және 8 000 сөзден аспауы тиіс (авторлар туралы мәліметтерді, аннотацияны, түйін сөздерді және әдебиеттер тізімін есептемегенде).
• Файл пішімі: Microsoft Word (.doc, .docx)
• Файл көлемі: 2 МБ-тан аспауы тиіс
• Қаріп: Times New Roman
• Негізгі мәтін қаріп өлшемі: 12 pt
• Жоларалық интервал: бір жолдық
• Жиектер: барлық жағынан 2 см
• Туралау: ені бойынша
• Абзацтық шегініс: 1 см
• Бөлім тақырыптары – бас әріптермен, қалың қаріппен рәсімделеді.

7. Иллюстрациялар, кестелер, формулалар

• Барлық суреттер мен кестелер нөмірленіп, атауларымен бірге берілуі тиіс.
• Суреттер сапалы және баспаға жарамды болуы керек.
• Кестелер Microsoft Word құралдарымен жасалып, редакциялауға жарамды болуы тиіс.
• Формулалар Microsoft Equation немесе MathType редакторларында терілуі тиіс.

8. Сілтемелер және әдебиеттер тізімі

• Мәтін ішіндегі сілтемелер APA 7th edition стандартына сәйкес рәсімделеді.
• Әдебиеттер тізімінде кемінде 15 дереккөз болуы тиіс.
• Олардың кемінде 5-еуі шетелдік дереккөздер болуы керек.
• Өзін-өзі дәйексөздеу деңгейі 20%-дан аспауы тиіс.
• Орыс және қазақ тілдеріндегі дереккөздер үшін арнайы сервистерді қолдана отырып транслитерация жасау міндетті: орыс тілі үшін – http://translit.net; қазақ тілі үшін – https://qazlat.kz.
• Ағылшын тіліндегі қолжазбаларда басқа тілдердегі дереккөздер пайдаланылған жағдайда, транслитерацияланған библиографиялық жазбадан кейін (кирилл әліпбиіндегі дереккөздер үшін) төртбұрышты жақша ішінде атаудың ағылшын тіліндегі аудармасы берілуі тиіс. Библиографиялық жазбаның соңында дөңгелек жақша ішінде дереккөздің түпнұсқа тілі көрсетіледі, мысалы: (In Russian), (In Kazakh).
• Әдебиеттер тізімі бірінші автордың тегі бойынша әліпбилік тәртіппен рәсімделеді. Алдымен латын графикасындағы дереккөздер, кейін кирилл графикасындағы дереккөздер беріледі.
• Әдебиеттер тізімінде журналдардың, кітаптардың, жинақтардың, диссертациялардың, есептердің, конференция материалдарының атаулары, сондай-ақ ғылыми журнал томының нөмірі курсивпен ерекшеленеді.
• Бар болған жағдайда электрондық ресурстар үшін DOI немесе URL белсенді гиперсілтеме түрінде көрсетілуі тиіс.

9. Авторлар туралы мәліметтер

Әдебиеттер тізімінен кейін авторлар туралы мәліметтер үш тілде беріледі: толық аты-жөні (тиісті тілде), ғылыми дәрежесі немесе біліктілігі, ұйымның толық атауы (қала мен ел көрсетіле отырып), сондай-ақ белсенді электрондық пошта мекенжайы және ORCID профиліне белсенді сілтеме.

10. Мақаланы ұсыну

Қолжазбалар журналдың онлайн-жүйесі арқылы қабылданады.

Редакция авторларға сайтта орналастырылған қолжазба шаблонын міндетті түрде пайдалануды ұсынады.