АЛМАТЫ ОБЛЫСЫНЫҢ АУЫЛ ШАРУАШЫЛЫҒЫ ЖЕРЛЕРІН КАДАСТРЛЫҚ МОНИТОРИНГТЕУДЕ GOOGLE EARTH ENGINE ЖӘНЕ RANDOM FOREST ӘДІСІН ҚОЛДАНУ

Аңдатпа

Мақалада Алматы облысының ауыл шаруашылығы жерлерін алдын ала кадастрлық мониторингтеу үшін Google Earth Engine платформасы мен Random Forest алгоритміне негізделген бұлттық жұмыс барысы ұсынылады. Зерттеу жердің әлеуетті жарамдылығын бағалауға емес, ауыл шаруашылығы аумақтарындағы жер бетінің нақты жағдайын қашықтан зондтау деректері арқылы диагностикалауға бағытталған. 2015, 2020 және 2025 жылдарға арналған Landsat 8/9 Surface Reflectance деректері өңделіп, Sentinel-2 суреттері оқыту үлгілерін визуалды нақтылау үшін қосымша дереккөз ретінде пайдаланылды. Әр жыл бойынша маусымдық композиттер қалыптастырылып, бұлтпен жабылған пиксельдер маскаланған, сондай-ақ ылғалдылық жағдайын сипаттайтын NDMI және ашық немесе сирек өсімдік жамылғысымен жабылған беттерді анықтайтын BSI индекстері есептелді. Спектрлік арналар мен есептелген индекстер Random Forest классификаторында біріктіріліп, төрт мониторингтік класс ажыратылды: тұрақты өсімдік жамылғысы, ашық немесе сирек жабылған топырақ, су объектілері және салынған немесе ауыл шаруашылығына жатпайтын аумақтар. Жіктеу нәтижелері тәуелсіз тексеру үлгісі арқылы бағаланып, әр класс бойынша аудан есептелді. Алынған карта ресми кадастрлық құжатты алмастырмайды, бірақ қосымша кадастрлық немесе далалық тексеруді қажет ететін аумақтарды анықтауға арналған диагностикалық қабат ретінде пайдаланылуы мүмкін.