ШЫҒЫС ҚАЗАҚСТАН ОБЛЫСЫНЫҢ ИНВЕСТИЦИЯЛЫҚ ТАРТЫМДЫЛЫҒЫН АРТТЫРУ

Аңдатпа

Өңірлердің инвестициялық тартымдылығын бағалаудың қолданыстағы әдістемелерін талдау олардың барлығы қоршаған ортаға теріс антропогендік әсерді көрсететін факторларды ескермейтінін көрсетті. Бұл «жасыл» даму әлеуетін объективті бағалау мүмкіндігін шектейді, әсіресе өнеркәсіптік мамандануы айқын өңірлерде.

Бұл жұмыста «Жасыл» экономика критерийлерін ескере отырып, Шығыс Қазақстан облысының базалық салаларының инвестициялық тартымдылығын бағалауға әрекет жасалды. Қоршаған ортаны қорғауға инвестициялар көлемі мен саладағы жалпы инвестициялық ағындар арасындағы өзара байланысқа ерекше назар аударылады. Авторлар ұсынған әдістеме инвестициялық тартымдылықтың дәстүрлі көрсеткіштерін салалардың «жасыл тартымдылығы» көрсеткіштерімен салыстыруды көздейді, сондай – ақ экономикалық өсу қарқыны мен қоршаған ортаның ластану деңгейі арасындағы сәйкессіздікті бақылауға мүмкіндік беретін құрал-декаплинг индексін қамтиды.

Бұл тәсіл өңірдің орнықты даму векторларын неғұрлым дәл анықтауға және Шығыс Қазақстан облысының экологиялық және экономикалық қауіпсіздігін қамтамасыз ету үшін маңызды ресурс ретінде «жасыл» инвестицияларды қарқындату жолдарын белгілеуге мүмкіндік береді.