PLAXIS 2D БАҒДАРЛАМАСЫН ҚОЛДАНА ОТЫРЫП ЖАҒАЛАУ ТІРЕУ ҚҰРЫЛЫМДАРЫНЫҢ ТҰРАҚТЫЛЫҒЫН ТАЛДАУ

Аңдатпа

Бұл зерттеудің өзектілігі Есіл өзені бойындағы жылдам урбанизация өзен жағалауындағы тіреу қабырғаларына түсетін жүктеменің артуына алып келіп, олардың құрылымдық тұрақтылығына айтарлықтай қиындықтар туғызуымен байланысты. Зерттеудің мақсаты – Plaxis 2D бағдарламалық кешенін пайдалана отырып, күрделі жүктеме жағдайларындағы тіреу қабырғаларының деформациялық мінез-құлқын талдау және анкерлік және анкерсіз қабырға құрылымдарының тиімділігін бағалау. Зерттеудің жаңалығы – гидростатикалық қысым мен қала құрылысының әсерінен туындайтын антропогендік жүктемелерді қоса алғанда, нақты жүктеме жағдайларын ескеруімен, сондай-ақ анкерлік және анкерсіз тіреу қабырға құрылымдарын салыстырмалы талдаумен ерекшеленеді. Модельдеу нәтижелері тіреу қабырғасының көлденең орын ауыстыруы небәрі 2 см екенін көрсетті, бұл конструкцияның тіпті анкерлік жүйе қолданылмаған жағдайда да жоғары тұрақтылыққа ие екенін білдіреді. Қарастырылып отырған жағдайларда анкерсіз құрылым нұсқасы тиімділігімен және үнемділігімен ерекшеленді. Бұл деректер табиғи және антропогендік факторларды ескере отырып, жағалауды қорғау құрылыстарын жобалауда кешенді тәсілдің маңыздылығын көрсетеді.