БЕТОН МЕН БОЛАТТЫҢ ЖЫЛУФИЗИКАЛЫҚ ҚАСИЕТТЕРІНІҢ БОЛАТТЕМІРБЕТОН КОНСТРУКЦИЯЛАРЫНЫҢ ЖҰМЫСЫНА ӘСЕРІ INFLUENCE OF CONCRETE AND STEEL THERMOPHYSICAL

Аңдатпа

Мақалада климаттық және өрт жағдайындағы температуралық әсерлер кезінде бетон мен болаттың жылуфизикалық қасиеттерінің болат-бетон композитті конструкциялардың жұмысына ықпалына шолу-талдамалық талдау жасалған. Зерттеудің мақсаты – температуралық деформациялар мен кернеулердің пайда болу механизмдерін жүйелеу және олардың материалдардың бірлескен жұмысына әсерін бағалау. Әдістеме жарияланған аналитикалық, эксперименттік және сандық зерттеулерді талдау, жіктеу, салыстыру және жинақтауды, сондай-ақ осьтік температуралық кернеулердің, температуралық градиенттерден туындайтын иілу моменттерінің және қосқыштардағы көлденең ығысу күштерінің иллюстрациялық есептерін қамтиды. Сызықтық ұлғаю коэффициенті, жылуөткізгіштік және жылусыйымдылық айырмашылықтары өздігінен теңгерілетін кернеулерді, ішкі күштердің қайта бөлінуін, қаттылықтың төмендеуін және көтергіштік қабілеттің азаюын туындататыны анықталды, әсіресе статикалық анықталмаған жүйелерде және өрт кезінде. Зерттеудің ғылыми жаңалығы аталған механизмдерді кешенді жүйелеуде және ығысу қосқыштарының шешуші рөлін негіздеуде. Нәтижелер есептік модельдерді нақтылауға және жобалау сенімділігін арттыруға қолданылуы мүмкін; келешек зерттеулер болжау әдістерін жетілдіруге және эксперименттік валидацияны кеңейтуге бағытталуы тиіс.