HVOF ӘДІСІМЕН АЛЫНҒАН CR3C2-NICR МЕТАЛЛ КЕРАМИКАЛЫҚ ЖАБЫНДАРЫНЫҢ ҚАСИЕТТЕРІНЕ БҮРКУ ҚАШЫҚТЫҒЫНЫҢ ӘСЕРІН ЗЕРТТЕУ

Аңдатпа

Бұл мақалада әртүрлі бүрку қашықтықтарында жоғары жылдамдықты оттегі-отынды бүрку (HVOF) әдісімен алынған Cr₃C₂-NiCr металл керамикалық жабындары зерттелген. Кері шашыраңқы электрондары (BSE) бар сканерлеуші электронды микроскопияны (SEM)  пайдалана отырып, жабындардың көлденең қимасының егжей-тегжейлі морфологиялық сипаттамасы жасалды. Cr₃C₂  бөлшектерінің мөлшері бүрку қашықтығына байланысты өзгеретіні анықталды. Морфологияны талдау жабындардың тозуға төзімділігіне әсер ететін кеуектердің таралуын анықтады. Сондай-ақ, бүрку қашықтығы ұлғайған сайын жабын бетінің кедір-бұдырлығы ұлғаятындығы анықталды. Жабындардың қаттылығын өлшеу жабындардың қаттылығы декарбонизация дәрежесіне байланысты екенін және бөлшектердің кинетикалық энергиясына және жабындағы дислокация мөлшеріне байланысты болуы мүмкін екенін көрсетті. Сонымен қатар, тозу жағдайында қолдануды оңтайландыру үшін маңызды бүрку қашықтығының жабындардың үйкеліс коэффициентіне әсері зерттелді. Бұл нәтижелер әртүрлі өнеркәсіптік жағдайларда олардың тозуға төзімділігі мен тиімділігін арттыру үшін металл керамикалық жабындарды жобалау және оңтайландыру кезінде пайдалы болуы мүмкін.