ШҚО КӨШКІН ҚАУІПТІ УЧАСКЕЛЕРІ БОЙЫНША ДЕРЕКТЕРДІ ЖИНАУДЫҢ МОБИЛЬДІ ҚОСЫМШАСЫН ӘЗІРЛЕУ

Аңдатпа

Аңдатпа. Мониторинг жүргізу және болжау әртүрлі көздерден көбірек деректерді жинауды талап етеді: метеостанциялардан алынған деректер, спутниктік деректер, бейне және фотоматериалдар, көшкін қаупі бар учаскелерде орнатылған арнайы датчиктерден алынған деректер және басқалары. Деректердің көпшілігін автоматты режимде алуға болатынына қарамастан, деректердің бір бөлігі қолмен жиналады. Қолмен жиналатын деректерді жинау процесін жеделдету үшін осы зерттеу аясында мобильді қосымша жасалды. Бұл мобильді қосымша бұлттылық, қар түсуі, жел соғу жағдайы, ағымдағы температура және қардың биіктігі бойынша мәліметтер жинауға мүмкіндік береді. Жиналған деректер қосымшаның жергілікті дерекқорына жазылады, бұл деректерді одан әрі беру үшін мәліметтерді жинақтауға мүмкіндік береді. Деректерді ортақ дерекқорға беру интернет байланысы арқылы дерекқоры бар серверге REST-сұранысының көмегімен API арқылы жүзеге асырылады. Осылайша, әзірленген мобильді қосымша қар көшкіні қаупінің мониторингін жүргізу және болжау үшін қажетті деректерді неғұрлым оперативті режимде алуға мүмкіндік береді, бұл өз кезегінде қар көшкіні қаупінің мониторингін жүргізу және болжау сапасын арттыруға мүмкіндік береді.