АУЫЛ ШАРУАШЫЛЫҒЫН БАСҚАРУДА «ФЕРМЕР ПЛАНШЕТІН» ӘЗІРЛЕУ: АРТЫҚШЫЛЫҚТАРЫ МЕН БОЛАШАҒЫ

Аңдатпа

Қазіргі уақытта геоақпараттық технологиялар ауыл шаруашылығында белсенді түрде қолданылып келеді және әртүрлі қосымшаларды, әсіресе мобильді қосымшаларды қолдану олардың ұтқырлығы мен қол жетімді құны арқасында дәлме-дәл егіншілік жүйесінде пайдалы құралға айналды. Олардың есептеу қуаты нақты егіншілік жүйелерін енгізу кезінде туындайтын түрлі тәжірибелік міндеттерді шешуге мүмкіндік береді.

Мақалада фермерлерге арналған отандық, сондай-ақ шетелдік қосымшаларға салыстырмалы талдау жүргізілді, олардың негізгі функционалдық мүмкіндіктері мен артықшылықтары анықталды. Дала жұмыстарының барысы туралы деректерді жедел жинауды, жинақтауды және беруді қамтамасыз етуге, қолда бар картографиялық, мұрағаттық және анықтамалық материалдарды талдауды орындауға, ауыл шаруашылығы өндірісін жедел, тиімді бақылау және басқару үшін еңбек және материалдық ресурстардың пайдаланылуын бақылауды жүргізуге мүмкіндік беретін ғылыми әзірлемелер, қолда бар аналогтарды есепке алу негізінде университет ғалымдарының тобы «Фермер планшеті» қосымшасын әзірлеуде.