ТҰРАҚТЫ ДАМУ КОНТЕКСТІНДЕ ОРТАҚ ЭКОНОМИКА МОДЕЛІН ЖӘНЕ ОНЫҢ НЕГІЗГІ ҚАҒИДАЛАРЫН ТҮСІНДІРУГЕ БАСЫМ ТӘСІЛДЕР

Аңдатпа

Мақалада қоғам дамуының қазіргі кезеңінде инновациялық экономиканы қалыптастырудың маңыздылығы үздіксіз үдемелі өзгерістер жағдайында жетекші әлемдік тренд ретінде негізделеді. Демек, ортақ экономиканың пайда болуы - экономикалық жүйелерді дамытудың перспективалық мүмкіндіктерінің жаңа бағыты, тұтастай алғанда, уақытша немесе еркін тұтыну деңгейінде туындайтын өнімдердің немесе қызмет түрлерінің бірқатарын бірлесіп немесе ұжымдық пайдалану мүмкіндігі алғы шарты болып табылатын елеулі экономикалық қайта құру ретінде көрінеді. Мақала авторлары ортақ экономиканың анықтамасы мен құрылымының ғылыми аспектілерінің эволюциясын ұсынады. Теориялық тәсілдер зерттеліп, сипатталады, олардың «күшті» және «әлсіз жақтары» анықталып, мінездеме беріледі. Бірлескен экономиканың басым үлгілерінің салыстырмалы талдауы ұйымдық формалардың әртүрлілігін ғана емес, сонымен қатар коммерцияландыру мен әлеуметтік бағдар арасындағы байланыстың күрделілігін анықтау мақсатында жүргізіледі. Нәтижесінде ортақ тұтынуды дамытудың принциптері мен шарттары көрсетілді, қазіргі қоғамның дамуы жағдайында ортақ пайдалану экономикасын жүзеге асырудың әлеуеті айқындалды. Сондай-ақ коммерцияландыруға байланысты тәуекелдерге және ортақ экономикадағы жұмыспен қамтудың тұрақсыздығына ерекше назар аударылды. Зерттеу жұмысында теориялық талдау әдістері мен логикалық конструкциялар қолданылды. Қорытындылай келе, мақала авторлары бұл саладағы тұтынушылық сұраныстың оң динамикасының алғышарттары бастапқыда - шығындарды үнемдеу, пайдаланудың қарапайымдылығы, онлайн-технологиялық қосымшаларға тегін қол жеткізу, жоғары жылдамдықты интернет болатынын анықтады. Бұдан басқа, цифрландыру және желілік нарықтарды кеңейту жағдайында ортақ тұтыну экономикасын модельдеу саласында одан әрі зерттеулер жүргізу перспективалары белгіленді.