АҚАУЛАРДЫҢ ТҮПКІ СЕБЕПТЕРІН ЛОКАЛИЗАЦИЯЛАУ КЕЗІНДЕ LINUX ЖУРНАЛДАРЫ МЕН EBPF ТЕЛЕМЕТРИЯСЫН ДЕҢГЕЙАРАЛЫҚ КОРРЕЛЯЦИЯЛАУ

Аңдатпа

Linux жүйелеріндегі ақаулардың түпкі себептерін анықтау үшін қолданбалы журналдар мен кеңейтілген пакеттік сүзгі eBPF телеметриясын деңгейаралық корреляциялау әдісін зерттеу. Әдістері. Бақылаулар канондық оқиғаларға қалыптандырылды; құрылымдық байланыстар процестер мен сокеттердің тұрақты сәйкестендіргіштері бойынша құрылды. Себептік кандидаттар диагностикалық деректер ақау механизмімен үйлескеннен кейін ранжирленді. Төрт эксперимент жүргізілді: пассивті бақылау, терең трассалау, үш белгілі ақауды енгізу және бұрын қолданылмаған төрт механизмді тексеру. Нәтижелері. Телеметрия көлемінің өсуі диагностика сапасын міндетті түрде жақсартпады. Белгілі механизмдерде сүзгілеу бірінші жауаптың дұрыстығын 0,667-ден 1,000-ге арттырды. Жаңа ақаулардың 20 терезесінде E-R және F0 модельдері үшін доменді анықтау дәлдігі мен дұрыс себепті қамту бірдей болды: 9/20=0,450. Кандидаттар саны 4035-тен 19-ға азайды. Қорытынды. Осы іріктемеде іздеу кеңістігі қамту өзгермей қысқарды; нәтиже сүзгінің эксперименттен тыс қауіпсіздігін дәлелдемейді. Әдіс инциденттерді талдауға арналған диагностикалық деректерді байланыстыру қабаты ретінде қолданылуы мүмкін, бірақ шабуылдарды өздігінен анықтамайды.